Skogselskapets diplom til tre gode skogbrukarar

Når det kjem gode forslag på kandidatar deler styret i Telemark Skogselskap ut diplom til folk som har gjort ein spesiell innsats for skogen. I år fekk Torleiv O. Veum, Fyresdal (t.v) og Jarl E. Bakken, Drangedal (t.h.) diplom på årsmøtet- Styreleiar Hans Olav Lahus delte ut. Seinare har Hallvard Håvardsen i Bamble også fått diplom..

Torleiv O. Veum har drive garden i 37 år, men nok vore aktiv i skogen både før og etter. Han  har også vore i styret i Skogselskapet.

Jarl E. Bakken er framleis aktiv som skogforvaltar for Iver Juel, sjølv om han no trugar med å slutte når ha fyller 90 til hausten. Før han vart pensjonist arbeidde han blant anna mange år som driftsplanleggar. Han starta som skogtaksator i 1944.

Hallvard Håvardsen har også hatt det meste av sitt yrkesaktive liv knytt til skogbruket.

Styret i Skogselskapet tek mot forslag på kandidatar til å få diplomet. Det er gjerne folk med lang og tru teneste i skogen, både praktikarar og organisasjonsfolk kan vere aktuelle kandidatar.